Advertisement – Rental property for Child and Family Center

Framkvæmdasýslan – Ríkiseignir, f.h. ríkissjóðs óska eftir að taka á leigu íbúðarhúsnæði fyrir Barna- og fjölskyldustofu. Leigusamningur verður tímabundinn. Gert er ráð fyrir að leigutími verði 2–5 ár frá afhendingu húsnæðis, eftir því sem nánar verður ákveðið í samningsgerð. Ríkissjóður áskilur sér heimild til framlengingar leigutíma samkvæmt nánari skilmálum leigusamnings. Óskað er eftir leigueiningum í þremur landshlutum, sem geta verið í einbýli og/eða fjölbýli, enda hafi hver leigueining sérinngang. Leitað er eftir 3-5 herbergja íbúðarhúsnæði (með a.m.k. tveimur herbergjum + stofu og eldhúsi), einkum nýlegu eða viðhaldslitlu húsnæði í góðu ástandi. Til greina koma bæði íbúðir og/eða sérbýli. Kostur ef framboðnar íbúðir eru í nálægð við hverja aðra eða í sama húsi. Heimilt er að bjóða eitt hús, eina fasteign eða einstakar leigueiningar, og er ekki gerð krafa um að bjóðandi bjóði húsnæði fyrir alla landshluta eða allar þær einingar sem óskað er eftir. Tilboð geta því tekið til eins eða fleiri íbúða/eininga. Um er að ræða íbúðir í eftirfarandi landshlutum: Leigusali mun sjá um allt viðhald skv. húsaleigulögum. Afhendingartími húsnæðis er að hámarki 6 mánuðir frá undirritun leigusamnings helst fyrr. Húsnæðið skal við afhendingu uppfylla allar lögbundnar kröfur yfirvalda um brunavarnir. Þá skal framboðið húsnæði skráð sem íbúðarhúsnæði, og skal hver íbúð vera formlega samþykkt íbúð, á sér fastanúmeri. Framboðið húsnæði skal vera skráð á endanlegt bygginga- og matsstig áður en það er afhent leigutaka og tilbúið til notkunar.