NTA25

Næsti áfangi í stækkun Keflavíkurflugvallar skv. Þróunaráætlun flugvallarins er á næsta leyti og leitar Isavia að áhugasömum aðila til að taka þátt í verkefninu. Verkefnið sem um ræðir nefnist NTA25 og felur það í sér uppfærslu á núverandi flugvélastæðum 1, 3 og 5 sem er mikilvægur liður í því að styðja við stækkun landgangs milli Norður- og Suðurbyggingar flugstöðvarinnar. Verkefnið felur í sér hæðaraðlögun stæða og flughlaðs, þ.m.t. lagningar nýrrar steypu og malbiks, breytingar á afvötnun og lögnum, viðbætur við vatns- og hitakerfi ásamt lagningu rafmagnsröra til stuðnings við framtíðarsýn flugvallarins. Framkvæmd NTA25 fylgir framkvæmd SLN21 og er gert ráð fyrir að framkvæmdir fari fram á um 5 ára tímabili og í tveimur fösum vegna krafna um aðgengi aðila um svæðið. Allar nánari upplýsingar eru að finna á útboðsvef bjóðanda. ISAVIA Electronic Tendering Site – Home Utbodsvefur.is er sameiginlegur auglýsingavettvangur opinberra útboða. Á vefsvæðinu eru birtar auglýsingar og eða tilkynningar um fyrirhuguð innkaup opinberra aðila sem falla undir lög og reglugerðir um opinber innkaup. Undir það flokkast innkaup ríkis, sveitarfélaga og veitufyrirtækja þegar fjárhæðir innkaupa eru yfir innlendum og erlendum útboðsmörkum. Á útboðsvefnum geta opinberir aðilar einnig auglýst innkaup undir viðmiðunarmörkum til að tryggja gegnsæi.