Announcement - Nursing Homes in the Capital Area

Framkvæmdasýslan – Ríkiseignir (FSRE) f.h. ríkissjóðs óskar eftir leigutilboðum í húsnæði á höfuðborgarsvæðinu sem hentar fyrir starfsemi hjúkrunarheimilis. Ákjósanlegast er að húsnæðið geti nýst starfsemi hjúkrunarheimilis sem fyrst. Áskilið er að um sé að ræða þegar byggt húsnæði eða að framboðið húsnæði sé komið vel áleiðis í byggingarfasa til að geta komið til álita. Gerð er krafa um að skipulag lóðar og ytri hönnun liggi fyrir þegar tilboði er skilað. Óskað er eftir húsnæði sem getur rúmað 90 til 140 hjúkrunarrými. Viðmið heilbrigðisráðuneytisins um skipulag hjúkrunarheimila gera ráð fyrir að lágmarki 65 brúttófermetrum á hvert hjúkrunarrými og húsnæðisþörf því um 5.850 til 9.100 fermetrar. Afhending: Húsnæðið óskast afhent eins fljótt og kostur er, hámarks afhendingartími er 24 mánuðir eftir undirskrift húsaleigusamnings. Staðsetning Húsnæðið skal vera staðsett innan þéttbýliskjarna og í nálægð við almenningssamgöngur á höfuðborgarsvæðinu. Kostur ef húsnæðið er staðsett í nálægð við aðra þjónustustarfsemi, þá einkum fyrir aldraða. Viðmið og kröfur til boðins húsnæðis Húsnæðið skal uppfylla kröfur byggingareglugerðar og skilmála gildandi deiliskipulags. Húsnæðið þarf jafnframt að uppfylla lágmarksviðmið heilbrigðisráðuneytisins um skipulag hjúkrunarheimila 3. útgáfa, og verða leigusalar að afhenda húsnæðið fullbúið til notkunar samkvæmt kröfum sem fram koma í húslýsingu. Gott aðgengi skal vera að húsnæðinu, þ.m.t. fyrir hreyfihamlaða, gangandi, hjólandi og akandi umferð. Húsnæðinu skal fylgja fjöldi bílastæða sem hentar starfseminni. Leigutími Miðað er við að húsnæðið verði tekið á langtímaleigu til 25 ára, með heimild til framlengingar til 10 ára. Kröfur til leigusala